В.Г.Румянцев аатынан Бүлүүтээҕи оҕо-спортивнай оскуолатын көҥүл тустууга тириэньэрэ Артем Харлампьев кэскиллээх иитиллээччилэрин кытта Тыва өрөспүүбүлүкэтин көҥүл тустууга 16 саастарыгар диэри бөҕөстөрүн хамаандатын сүрүн тириэньэрэ Куулар Орлан Мерген Оолович ыҥырыытынан алтынньы 12-24 күннэригэр Чадан куоракка эрчиллэр бэлэмнэниигэ сырыттылар уонна турнирдарга ситиһиилээхтик кытыннылар.
Кызыл куоракка алтынньы 25-26 күннэригэр спорт маастара Александр Кужугет кэриэһигэр 16 саастарыгар диэри бөҕөстөргэ тэриллибит Бүтүн Арассыйатааҕы күрэхтэһиигэ 57 киилэҕэ Мирон Протопопов иккис миэстэни ылары ситистэ.
Алтынньы 27-28 күннэригэр Владимир Монгуш бирииһигэр 21 саастарыгар диэри бөҕөстөргө Бүтүн Арассыйатааҕы турнирга 79 киилэҕэ Пантелеймон Софронеев чемпион үрдүк аатын ылла!
Эдэр бөҕөстөрү, тириэньэр Артем Харлампьевы Арассыыйа таһымнаах турнирдарга ситиһиилэринэн эҕэрдэлиибит!
Николай Куприянов.