Атырдьах ыйын 25 күнүнээҕи туругунан Бүлүү улууһун отчуттара сүөһү кыстыгар анаан 17303 тонна оту бэлэмнээтилэр. Быйыл сайын устата окко – 23182 тонна, сиилэскэ – 1660 тонна , сенажка – 600 тоннаны бэлэмниир былаан 80-тан тахса бырыһыан туолан иһэр.
Бу кэмҥэ улуус нэһилиэктэрин ходуһаларыгар 1119 киһи оттуу сылдьар, 12717 гектар сир ото охсулунна.
Онон хаалбыт кураан күннэри баттаһа ходуһаҕа күргүөмнээх үлэ салҕанан бара турар, сүөһү уһун кыстыгын дэлэй оттоох көрсөр иһин бары биир киһи курдук от үлэтигэр турунуоҕуҥ.
Муза Федорова.