Алтынньы 27-28 күннэригэр Чочу орто оскуолатыгар «Аармыйаҕа биир күн» тэрээһин алтыс төгүлүн ыытылынна.
Манна оскуола 7-11 кылааһын уолаттара биир күн Аармыйа олоҕунан олороллор. Быйылгы тэрээһин уратыта диэн Бүлүү улууһугар баар Росгвардия кылаастара кэллилэр. Ол курдук Тааһаҕар орто оскуолатын 7, 8 кылаастарын, Бүлүүтээҕи 2 нүөмэрдээх орто оскуола 7-с кылаастарын үөрэнээччилэрэ, уопсайа 35 уол кыттыыны ыллылар.
Кинилэри Армия олоҕор үөрэтэн-такайан илдьэ сырыттылар ОБЖ учууталлара: Н.М. Прокопьев, А.А.Иванов, И.С. Макаров, И.В. Иванов уонна Чочу орто оскуолатын учууталлара И.Ф. Ионов, П.К. Борисов, В.В. Лыткин, Г.И.Догоюсов. 
Минньигэстик астаан аһаттылар: Фёдорова М.Ф., Петрова И.Д., Сивцева С.Н., Томская М.С., оҕолор кинилэргэ махталларын тиэрдэллэр.
Уолаттар 3 взводка арахсан уонна биирдиилээн бастыыр иһин строевой көрүүгэ, автомат ыһыытыгар-хомуйуутугар, пневматическай винтовканан ытыыга, ОЗК, ОФП кэтиитигэр уо.д.а куоталастылар.
Маны таһынан, СВО-ҕа сылдьар биир дойдулаахтарбыт дьиэ кэргэттэригэр (Николаева Т.Ю., Егорова В.П., Протопопова Н.С.) баран тэлгэһэлэрин хаарын ыраастаан көмөлөстүлэр, СВО-ҕа сылдьар уолаттары кытта сибээскэ тахсан, кэпсэтэ сырыттылар, киэһэ өттүгэр «Небо» диэн киинэни көрдүлэр.
Оҕолорго Бүлүү улууһун Росгвардия начальнига, полиция майора А.Н. Константинов туһалаах дьарыгы ыытта, кини куруук ситимнээхтик бииргэ үлэлэһэр, үүнэн эрэр ыччаты патриотическай иитиигэ улахан болҕомтотун уурар.
Бу бырайыакка Бүлүү улууһугар «Движение Первых» хамсааһын үлэтин сүрүннүүр специалист Д.Нь. Томский күүс-көмө буолла. Бүлүү улууһугар ыччат политикатын олоххо киллэрии бырагырааматын чэрчитинэн ыытыллыбыт тэрээһин хас биирдии кыттыылааҕар «Один день в Армии» диэн суруктаах футболкалары, кубоктары, мэтээллэри оҥорторон туттарда, инникитин да бииргэ үлэлэһэргэ бэлэмин эттэ.
Тааһаҕар орто оскуолатын дириэктэрэ Капитон
Петрович Львов оҕолору кытта күнү быһа тэҥҥэ сырытта. Аныгыскы тэрээһин ахсынньыга Тааһаҕар оскуолатыгар Росгвардия кылаастара благотворительнай концерт туруоран, киирбит харчыны СВО-ҕа сылдьар уолаттарга ыытан көмө оҥорорго быһаарыннылар.
Түмүккэ көһө сылдьар кубок Тааһаҕар орто оскуолатын дириэктэригэр К.П. Львовка туттарылынна.
Куоталаһыы түмүктэрэ:
1 миэстэ — 1 взвод (командир Буслаев Арсений);
2 миэстэ -2 взвод (командир Гаврильев Александр);
3 миэстэ — 3 взвод (командир Протопопов Станислав).
Биирдиилээн көрүҥнэргэ
Снаряжение магазина:
1 миэстэ -Алексеев Айсен;
2 миэстэ -Герасимов Владимир;
3 миэстэ — Митясов Владимир.
Ытыыга:
1 миэстэ — Трофимов Айтал;
2 миэстэ -Митясев Владислав;
3 миэстэ — Томский Максим.
ОФП:
1 миэстэ -Томский Максим;
2 миэстэ -Львов Ян;
3 миэстэ — Протопопов Стас.
ОЗК кэтиитэ:
1 миэстэ — Митясов Владислав;
2 миэстэ — Анисимов Витя;
3 миэстэ — Андреев Харысхан.
Калашников автоматын ыһыыга-хомуйууга:
1 миэстэ — Петров Василий;
2 миэстэ — Андреев Харысхан;
3 миэстэ — Томский Максим.
Ити курдук Аармыйаҕа биир күн бэрт сэргэхтик, тэрээһиннээхтик ааста. Бу ааспыт биир күн иһигэр оҕолор бэрт элбэҕи билэн-көрөн, саҥа табаарыстарданан тарҕастылар.
Николай Прокопьев.