Бүгүн, олунньу 18 күнүгэр, Бүлүү улууһугар сылын аайы ыытыллар «Северная звезда» диэн Бүтүн Россиятааҕы куонкурус буолан ааста.
Биһиги оскуолаттан Эсланда Егоровна Константинова салайааччылаах үҥкүүһүттэр бөлөхтөрө киирэн кыттыыны ыллылар. «Сила в единстве» диэн патриотическай үҥкүүнү үҥкүүлээтилэр уонна 2-с степеннээх дипломант аатын ыланнар, кыайыы кубогын тутан, үөрэн- көтөн таҕыстылар. Эҕэрдэ үҥкүүһүттэрбитигэр.
Маны таһынан бу куонкурска хомуска кыттан 6-с кылаас үөрэнээччитэ Ян Захаров 3-с степеннээх уонна 2-с кылаас үөрэнээччитэ кырачаан Байдам Сидоров 2-степеннээх лауреат аатын ылан үөрүү өрөгөйүн биллилэр, санаалара көтөҕүллэн, үөрэн — көтөн таҕыстылар. Салайааччы — Анна Васильевна Мандарова. Кыайыылаахтарга инникитин да өссө үрдүк ситиһиилэри, үрдүк кирбиилэри баҕарабыт.
Анна Мандарова, Өкүндү.