“Бүлүү улууһа (оройуона)” муниципальнай оройуон дьаһалтатын 2024 сыллааҕы үлэтин отчуотун нэһилиэнньэҕэ туруоруу тохсунньу 20-29 күннэригэр ыытыллыаҕа.
Ол курдук быйылгы отчуокка икки бөлөх тэриллэн, улуус бары нэһилиэктэригэр тиийэн нэһилиэнньэни кытта көрсүһүөхтэрэ. Отчуокка сылдьар бөлөхтөрү улуус баһылыга Сергей Винокуров уонна кини бастакы солбуйааччыта Иван Евсеев салайыахтара. Кинилэри кытта улуус дьаһалтатын, доруобуйа харыстабылын, үөрэх, нэһилиэнньэ социальнай көмүскэлин управлениеларын уо.д.а. тэрилтэлэр эппиэттээх үлэһиттэрэ, исписэлиистэрэ сылдьыахтара, нэһилиэнньэттэн киирэр ыйытыыларга сөптөөх эппиэттэри биэриэхтэрэ.
Тохсунньу 29 күнүгэр улуус баһылыгын түмүктүүр отчуота Бүлүү куоратыгар ыытыллыаҕа. Онон улууспут олохтоохторо бу отчуоттары туруорууга көхтөөхтүк кыттаргытыгар баҕарабыт.
Муза Федорова.
Фото редакция архыыбыттан.