Хампа орто оскуолатын үөрэнээччилэрэ, Хампатааҕы театральнай искусство оскуолатын иитиллээччилэрэ быйыл иккис сылын «Күн оһуохайа» бырайыакка баран ситиһиилээхтик кытыннылар. Ол курдук бу бырайыак Өрөспүүбүлүкэҕэ төрдүс сылын ыытыллар. Быйыл уопсайа 100 оҕо кыттыыны ылбытыттан 25-һэ кыттааччы этээччи, онтон 75 оҕо кынат буолбуттара.
Биһиги оскуолабытыттан 10 кылаас үөрэнээччитэ Дьяконова Ньургуяна этээччи быһыытынан уонна 8 кылаас үөрэнээччилэрэ Григорьев Кеша, Еремеев Андрей, Петрова Виолетта, Поскачина Ксения кынат быһыытынан кытыннылар. Ньургуяна түөрт түһүмэҕи ааһан полуфиналга, онтон быһа эфиргэ финалга киирэн, «Кылыгырас кылыһахтаах этээччи» анал ааты ылар үрдүк чиэскэ тигистэ.
Оҕолорбут салайааччыларын театральнай искусство оскуолатын фольклорун уһуйааччыта Евдокия Семеновна Константинованы, төрөппүттэри ис сүрэхпититтэн ситиһиигитинэн эҕэрдэлиибит. Өссө үрдүктэн үрдүк ситиһиилэр кэлэ турдуннар!
Театральнай оскуола кэлэктиибэ.