Анал байыаннай дьайыы кыттыылаахтарыгар уонна кинилэр дьиэ кэргэттэригэр биирдиилээн дьон ахсаабат көмөнү оҥороллор. Ол курдук бэс ыйын 27 күнүгэр куорат олохтооҕо Василий Николаевич Мандаров СВО-ҕа сылдьар байыастар дьиэ кэргэттэригэр анаан сип-сибиэһэй, бөдөҥ, хамсыы сылдьар соболору биэрбитин 10 ыалга тутатына дьиэлэригэр илдьэн тиксэрдибит. Кэһии туппут ыалларбыт олус үөрдүлэр уонна махтаннылар.
Василий Мандаров СВО-ҕа сылдьар уолаттар дьиэ кэргэттэригэр бу хаһыс да көмөтө буолар.
“Бүлүү улууһа эһигинниин бииргэ” диэн улуустааҕы көмө оҥорор пуун волонтердарын, уолаттар дьиэ кэргэттэрин уонна тус бэйэм ааппыттан Василий Николаевичка улахан махталбытын тириэрдэбит.
Түгэнинэн туһанан, Саха Өрөспүүбүлүкэтин бэчээтин туйгуна Василий Николаевиһы, “Олох суола” хаһыат сүрүн редакторын Изольда Николаевнаны, бастакы категориялаах редактор Муза Иннокентьевнаны, иккис категориялаах редактор Николай Георгиевиһы, техническэй редактор Сахалина Андреевнаны, шеф-редактор Галина Степановнаны, корректор Анастасия Федоровнаны, видеограф Василина Васильевнаны, хаһыаты бэчээттээччи Андрей Степановиһы, менеджер Ньургуйаана Эдуардовнаны уонна бэтэрээннэрин национальнай бэчээт күнүнэн итиитик-истиҥник эҕэрдэлиибин!
Баҕарабын эһиги чэпчэкитэ суох айымньылаах үлэҕитигэр үрдүк ситиһиилэри, чэгиэн доруобуйаны, дьоллоох, эйэлээх олоҕу.
Мария Томская,
“Бүлүү улууһа эһигинниин бииргэ” диэн анал байыаннай дьайыы кыттыылаахтарыгар
уонна кинилэр дьиэ кэргэттэригэр улуустааҕы көмө оҥорор пуун салайааччыта,
Бүлүү куоратын бочуоттаах олохтооҕо.