Бүлүүгэ «Илии сылааһынан Кыайыы туһугар» олунньутааҕы акция бара турар. Аҕа дойдуну көмүскээччи күнүн көрсө улуустааҕы «Харысхал» хамсааһын бүгүн иккис төгүлүн СВО-ҕа сылдьар уолаттарга көмө ыытта, ол иһигэр:
— 13 дьааһык блиндаж чүмэчитэ;
— 22 устуука маскировочнай сетка;
— 16 дьааһык аадырыстаммыт бэлэх;
— 11 дьааһык, барыта 46 устуука (5 л. уу иһитигэр угулунна) бэлэх набора.
Түмсүү кыттыылаахтара бары көмөлөспүт дьоҥҥо муҥура суох махтаналлар.
«Оҕолорбут барахсаттар Кыайыы кынаттанан, Сир Ийэҕэ или — эйэни олохтоон, үс саханы үөскэтэ, түөрт саханы төлкөлүү этэҥҥэ эргиллэн кэлиэхтэрэ диэн эрэл санаабытын, алгыспытын анаан туран иккис түһүмэхпитин ыыттыбыт», — диэн кэпсээтэ Тамара Васильевна Фомина.
Баһыылкалар култуура управлениетын массыынатынан (сал. А. А. Дашевская, суоппар Николай Федоров) Дьокуускай куоракка тиийдилэр. 350 кг бүгүн самолекка угуллан Москва волонтердарыгар тиийиэхтээх.
Түмсүү салайааччыта Светлана Тарасовна Иванова: «Норуот күүһэ-көмүөл күүһэ! » диэн мээнэҕэ эппэттэр. Бэһис рулон материалбыт кэллэҕинэ үлэбитин салҕыахпыт. Харчытын түмсүүлэр хомуйан ыыталлар. Утары материал ылан ити маскировачнай сеткалары оҥоробут», — диэн үллэһиннэ.
@oloxsuola