“Бүлүү улууһа эһигинниин бииргэ” диэн анал байыаннай дьайыы кыттыылаахтарыгар уонна кинилэр дьиэ кэргэттэригэр улуустааҕы көмө оҥорор Пуун 2022 сылтан “Якутия с тобой” диэн өрөспүүбүлүкэтээҕи көмө оҥорор Пууну кытары ыкса сибээстээхтик үлэлии сылдьабыт.
“Якутия с тобой” көмө оҥорор Пуун 2022 сыл балаҕан ыйын 26 күнүгэр Дьокуускайга аан бастакынан Орджоникидзе уулусса 10 нүөмэригэр тэриллибитэ. Биһиги 2022 сыл балаҕан ыйын 29 күнүгэр Бүлүү куоратын Чапаев уулуссатын 20 б нүөмэригэр В.О.Каратаев аатынан Олоҥхо дьиэтигэр тэриллэн үлэбитин саҕалаабыппыт. Бастаан быстах хомуурга барар уолаттарбытыгар анаан биирдиилээн дьоннор, урбаанньыттар, куорат тэрилтэлэрэ, улуус уопсастыбаннай түмсүүлэрэ төһө кыалларынан утары туттуллар маллары, таҥаһы, аһы-үөлү аҕалан улаханнык көмөлөспүттэрэ. Алтынньы, сэтинньи, ахсынньы ыйдарга сарсыардаттан эбиэккэ тохтобула, өрөбүлэ суох киэһэ хойукка диэри үлэлиирбит. Быстах хомуурга бэбиэскэ тутан кэлбит уолаттарбытыгар утары туттуллар мал-сал, ичигэс таҥас, ас биэрэн, сорох күн иккитэ сарсыарда, киэһэ байыҥкымаакка баран атаарар этибит. 2023 сыл күһүнүттэн “Алгыс” сынньалаҥ киинэ Олоҥхо дьиэтигэр көһөн кэлэр буолан, биһиги быыстапкалыыр балаҕаҥҥа көһөн, күн бүгүҥҥэ диэри үлэлии олоробут.
Алтынньы 14 күнүгэр Москваттан улуус дьаһалтата сакаастаабыт экипировката (тактическай рюкзак, наколенник, налакотник, быһах, көмүскэнэр жилет) кэлбитин Дьокуускай куоракка баран ылбыппыт уонна манна хомуллубут таҥаһы-сабы, бэйэбит тикпит аптечкабытыгар наадалаах эмтэри толору уган, уолаттарбыт сакаастаабыт малларын атыылаһан, хомуйан, Дьокуускай куоракка Орджоникидзе 10 нүөмэригэр баар Пууҥҥа илдьэммит барытын упаковкалаан, Уссурийскай, Хабаровскай куораттарга байыаннай сулууспаны ааһа сылдьар 26 уолга аан бастакы баһыылкаларбытын ыытан саҕалаабыппыт. Ити бириэмэҕэ улуустан гуманитарнай көмөнү илдьэ түөрт бэрэстэбиитэл Уссурийскай, Хабаровскай куоракка айаннаабыттара, онон баһыылкаларбытын утары көрсөннөр барытын уолаттарга илдьэн туттарбыттара.
Ол күнтэн ыла ый аайы Бүлүүбүт эрэ уолаттарыгар буолбакка, Саха сириттэн анал байыаннай дьайыыга сылдьар уолаттарга барыларыгар баһыылкалары ыыталыыбыт. Итини таһынан өрөспүүбүлүкэҕэ ыытыллар араас акцияларга барытыгар кыттабыт.
Маҕаһыыҥҥа таҥас наһаа ыарахан сыаналаах уонна Бүлүүгэ оннук таҥастар атыыламмат буоланнар алтынньы ыйтан улуус уопсастыбаннай түмсүүлэрэ бэйэбит тигиэххэйиҥ диэн ыҥырыы таһаараммын, сүбэлэһэн, харчы кыттыһан, Дьокуускайтан көстүүм матырыйаалларын фурнитуратыгар тиийэ атыылаһан аҕалан, бэйэбит иистэнэр массыыналарбытын Пууҥҥа илдьэ кэлэммит тигэн саҕалаабыппыт. 2025 сылга уопсастыбаннай түмсүүлэр сылы түмүктүүр тэрээһиммитигэр улуус баһылыга Сергей Николаевич Винокуров сертификат биэрбитинэн Дьокуускай куораттан баран икки промышленнай массыына ылан кэлбиппит, Ил Түмэн депутата Александр Васильевич Гоголев обрелоктуур массыынаны бэлэхтээбитэ, быйыл Ил Түмэн депутата Егор Анатольевич Григорьев остуоллаах, тигэр уонна тутатына обрелоктаан таһаарар массыынаны бэлэх ууммута. Бу саҥа массыыналарбыт тыастара кыра буолан үлэлииргэ олус сынньалаҥ буолла, күн аайы таҥас арааһа түргэнник тигиллэн, уолаттарбыт сакаастаан 2-3 көстүүмү, тикпит таҥастарбытын ылан бараллар. Контрагынан уонна уоппускаҕа кэлбит уолаттарбыт баралларыгар биһиги көмө оҥорор Пууммутуттан утары туттуллар малы-салы, тикпит таҥастарбытын, аптечкаларбытын, сиргэ сытарга аналлаах ковриктарбытын, пятиточниктарбытын, наколенниктарбытын, харыстанар сиэккэлэрбитин, харысхаллары, ыраастанар оттору, уопсайа 50-тан тахса араас малы-салы, буортурбат аһылыгы ылан бараллар. Хас биирдии уолга биэрэн ыытар малбыт уопсай ыйааһына 20 киилэ буолар. Ону таһынан ый аайы уолаттарбытыгар аадырыстаммыт баһыылкалары ыыталыыбыт.
Бэс ыйын 9 күнүгэр байыаннай дьайыыга сылдьар уолаттарбытыгар 60 аадырыстаммыт баһыылкалары оҥорон ыыппыппыт. Тимир уустара Степан Дмитриевич Осипов (Хампа), Николай Михайлович Шамаев (Тааһаҕар) бэйэлэрэ оҥорбут саха быһаҕын, Дмитрий Дмитриевич Шамаев (Хампа) 2 саха быһаҕын спонсордаабыттарын 4 уолга баһыылкаларыгар уган ыыппыппыт. Бүлүү куоратын кырдьаҕас олохтооҕо Анна Ивановна Волгина, Валерий Константинович, Ксения Афанасьевна Бубякиннар биэрбит харчыларынан уолаттар сакаастарынан болгаркалаах, шуруповердаах, араас инструменнаах аккумуляторнай улахан набору, Анисия Николаевна Николаева (Сыдыбыл), Елена Дмитриевна Протопопова (Бүлүү), Айар Дмитриевич Максимов (Тааһаҕар) биэрбит харчыларынан портативнай электростанция атыылаһан ыыппыппыт.
Баһыылка оҥорорбутугар Бүлүү улууһун эпиэкэҕэ уонна харалтаҕа салаатын салайааччыта Пелагея Николаевна Антонова үлэһиттэрин уонна Сардаана Александровна салайааччылаах оскуола лааҕырын оҕолоро кэлэн көмөлөһөннөр барыта 700 киилэ ыйааһыннаах баһыылканы түргэн баҕайытык оҥорон, массыына була охсон ыыппыппыт. Бу күннэргэ эмиэ сакаас биэрбит уолаттарга баһыылка ыытаары бэлэмнии сылдьабыт.
Ый аайы көмөлөһөр күндү дьоннорбутугар, Бүлүү куоратын кырдьаҕас олохтооҕор Анна Ивановна Волгинаҕа, Валерий Константинович, Ксения Афанасьевна Бубякиннарга, Анисия Николаевна Николаеваҕа (Сыдыбыл), Елена Дмитриевна Протопоповаҕа (Бүлүү), Айар Дмитриевич Максимовка (Тааһаҕар), ыам ыйын 4 күнүттэн ыам ыйын 27 күнүгэр диэри “Барыта Кыайыы туһугар” диэн оҥорбут акциябытыгар күүс-көмө буолбут тимир уустарбытыгар Степан Дмитриевич Осиповка (Хампа), Шамаев Николай Михайлович (Тааһаҕар), Шамаев Дмитрий Дмитриевичка (Хампа), Мария Прокопьевна Мырееваҕа (Сосновка), Галина Васильевна, Валентин Васильевич Ивановтарга, Валентина Егоровна Львоваҕа, Александра Петровна Бертяковаҕа, Ирина Егоровна Петроваҕа, Елизавета Илларионовна Абрамоваҕа, Алина Михайловна Чиркоеваҕа, оҕо поликлиникатын коллективыгар, Өкүндү олохтоохторугар, Чернышевскай орто оскуолатын коллективыгар, “Алмазик” уһуйаан 2 младшай группатын, клиническэй лаборатория, Бөтүҥ нэһилиэгин олохтоохторугар, “Бэргэн” маҕаһыын ИП Кириллин Александр Михайловичка, “Модная семья” маҕаһыыҥҥа, Каратаев Иннокентий Степановичка, Бүлүү гимназиятыгар, Иванова Августина Яковлевнаҕа, “Байылыат” маҕаһыын салайааччытыгар Константин Харлампьевич Егоровка, улуустааҕы киин балыыһа кылаабынай бырааһа, Ил Түмэн депутата Егор Анатольевич Григорьевка, үлэһиттэригэр, “Сыа Бүлүү” СХППК салайааччытыгар Алексей Алексеевич Кондратьевка, үлэһиттэригэр, Ис дьыала улуустааҕы отделын начальнигын эбээһинэһин толорооччу Егор Андреевич Егоровка уонна отдел сотрудниктарыгар, Бүлүү улууһун Эпиэкэҕэ уонна Харалтаҕа салаатын салайааччыта Пелагея Николаевна Антоноваҕа, үлэһиттэригэр, “Светофор” маҕаһыын салайааччытыгар Игорь Иванович Максимовка, Бүлүүтээҕи электростанция начальнигар Егор Ревович Константиновка, үлэһиттэригэр, “Алмазэргиэнбанк”, “Илгэ” потребобщество, ДОСААФ, Чинэкэ музыкальнай оскуолатын, улуустааҕы үөрэх управлениетын, “Кустук” уһуйаан, психологическай көмөнү оҥорор Киин, улуустааҕы прокуратура, следственнай комитет коллективтарыгар, Илбэҥэ, Өкүндү олохтоохторугар, “Горячий хлеб” маҕаһыын үлэһиттэригэр, ИП Малявская Елена Казимировнаҕа, Светлана Борисовнаҕа, “Эгэлгэ” маҕаһыын салайааччытыгар Федор Николаевич Николаевка, “Фарм” аптека салайааччытыгар Саргылана Федоровна Егороваҕа, “Наша аптека” салайааччытыгар Зоя Васильевна Протопоповаҕа, элбэх илим биэрбит Николай Ильич, Лидия Михайловна Павловтарга уонна куруутун биһиэхэ күүс-көмө, өйөбүл тирэх буолар улуус уопсастыбаннай түмсүүлэригэр, биирдиилээн дьоннорбутугар, тэрилтэлэрбитигэр бука барыгытыгар СВО-ҕа сылдьар уолаттарбыт этэҥҥэ эргиллэн кэлэллэрин туһугар улахан кыһамньыгыт, амарах сыһыаҥҥыт иһин “Бүлүү улууһа эһигинниин бииргэ” диэн анал байыаннай дьайыы кыттыылаахтарыгар уонна кинилэр дьиэ кэргэттэригэр улуустааҕы көмө оҥорор Пуун аатыттан барҕа махталбытын тириэрдэбит.
Ханнык да ыарахан түгэннэргэ Бүлүү улууһун уопсастыбаннай түмсүүлэрэ, дьоно-сэргэтэ туора туран хаалбакка, өрүү көхтөөхтүк кыттан күүс-көмө буолалларын улаханнык киэн туттан туран этэбин.
Биһиги бары бииргэ буоларга дьулустахпытына, күүспүтүн, кыахпытын түмтэхпитинэ эрэ, ханнык баҕарар ыарахаттары этэҥҥэ туоруохпут.
Мария Томская, «Бүлүү улууһа эһигинниин бииргэ» диэн анал байыаннай дьайыы кыттыылаахтарыгар уонна кинилэр дьиэ кэргэттэригэр улуустааҕы көмө оҥорор Пуун салайааччыта, Бүлүү куоратын бочуоттаах олохтооҕо.