Бүгүн, муус устар 4 күнүгэр, дьонун-сэргэтин, дойдутун туһугар бэриниилээхтик үлэлээбит биллиилээх судаарыстыбаннай, политическай диэйэтэл, киэн туттар биир дойдулаахпыт Гавриил Иосифович Чиряев төрөөбүт күнэ.
ССКП Киин Кэмитиэтин чилиэнэ, ССРС Үрдүкү Сэбиэтин уонна Саха АССР Үрдүкү Сэбиэтин депутата, ССКП уобаластааҕы кэмитиэтин бастакы сэкэритээринэн таһаарыылаахтык үлэлээбит, сэрии бэтэрээнэ, Ленин, «Октябрьскай Өрөбөлүүссүйэ» уордьаннар кавалердараГавриил Иосифович 1925 сыллаахха муус устар 4 күнүгэр Кыадаҥдаҕа Ураһалаах диэн кэрэ айылҕалаах сиргэ күн сирин көрбүтэ. Үөрэххэ баҕалаах уол Ураһалаахтан Чочу оскуолатыгар диэри сатыы сылдьан үөрэммит эбит.
Аҕа дойду Улуу сэриитин бастакы сылларыгар оскуолатыгар физика уонна байыаннай дьыала биридимиэттэрин үөрэппит. 1943 с. Кыһыл Аармыйа кэккэтигэр ыҥырыллан 17-с Забайкальскай фронт 284-с стрелковай дивизиятыгар, 1047-с пуолкатыгар, автоматнай ротаҕа сулууспалаабыт. 1950 с. доруобуйатын туругунан сыыйыллан, старшай лейтенант сыбаанньалаах дойдутугар эргиллэр. 1951-1953 сс. САССР Үөрэҕириитин министиэристибэтин каадырга управлениетын начаалынньыгынан, миниистири солбуйааччынан үлэлээбит. 1965 с. алтынньытыгар САССР Обкомун бастакы сэкэритээринэн талыллан, 1982 сыл ыам ыйын 9 күнүгэр диэри Саха Өрөспүүбүлүкэтин салайбыта.
Быйыл өрөспүүбүлүкэбит общественноһа кини төрөөбүтэ 100 сыллаах өрөгөйдөөх үбүлүөйүн киэҥ далааһыннаахтык бэлиэтиир.