Мария Томская салайааччылаах «Бүлүү улууһа эһигинниин бииргэ!» диэн улуустааҕы пуун СВО-ҕа сылдьар байыаннайдарга гуманитарнай көмөнү ыытта.
Пуун волонтердара бу күннэргэ байыаннай дьайыылар буола турар сирдэригэр гуманитарнай көмөнү илдьиэхтээх улуус дэлэгээссийэтигэр, чуолаан, Кыһыл Сыыр баһылыгар Юрий Гвызиҥҥа баһыылкалары туттардылар, тонна аҥара ыйааһыннаах гуманитарнай көмөнү икки массыынаҕа тиэйдилэр.
Пуун волонтердара Москуба госпиталларыгар эмтэнэр биир дойдулаахтарыгар эмиэ араас көрүҥнээх гуманитарнай көмөнү хомуйан ыыттылар.
— Илбэҥэттэн «Сүрэҕим баҕатынан», Кыадаҥдаттан «Күндэли» түмсүүлэр камуфляж көстүүмнэри, Дьөккөн олохтоохторо Саха сиригэр оҥоһуллубут 8 араас суол аһылыгы, урбаанньыт Сидор Ионов бэйэлэрэ оҥорор эт кэнсиэрбэлэрин ыыттылар. Уолаттарга анал баһыылкалары оҥордубут.
«Барыта кыайыы туһугар» ааксыйаҕа кыттыбыт, суолталаах көмөнү оҥорор бары түмсүүлэргэ, тэрилтэлэргэ, улуус олохтоохторугар барҕа махталбытын тиэрдэбит, — диэн улуус түмсүүлэрин салайааччыта Мария Томская билиһиннэрдэ.
Николай Куприянов.