Олунньу 21 күнүгэр 2-с Күүлэт нэһилиэгэр, биир дойдулаахпыт, анал байыаннай дьайыы кыттыылааҕа Василий Прокопьевич Афанасьев сырдык кэриэһигэр анаан 3-с төгүлүн буулдьанан ытыы күрэҕэ буолла.
Бу манна ыаллыы сытар 1 Күүлэт, Үгүлээт нэһилиэктэриттэн хамаандалар кэлэн кытыннылар.
Кэлбит дьону аантан көрсөн, оскуола оҕолоро сахалыы сиэринэн алаадьынан айах туттулар, ыраахтан айаннаан кэлбит ыалдьыттары оскуола остолобуойугар итии чэйинэн, аһынан күндүлээтэ. 
Тэрээһин хамаандалар сэлэлии хааман киириилэриттэн саҕаланна. Ол курдук 2 Күүлэттэн -2, Үгүлээттэн-2, 1Күүлэттэн — 1, хамаанда, уопсайа, 40 киһи залга кэккэлээтилэр. Ол кэнниттэн юнармия оҕолоро Россия, Саха сирин былаахтарын таһаардылар, өрөгөй ырыаҕа сүһүөхпүтүгэр турдубут.
Олохтоох дьаһалта баһылыга Юрий Иванович Спиридонов кэлбит ыалдьыттары эҕэрдэлээтэ. Тохтобул мүнүүтэтин биллэрэн, Баһылайбытын ахтан- санаан аастыбыт.
Улуустааҕы ЗАГС салайааччыта Марина Павловна Иванова Саха сирин АБДь сылдьан сэрии толоонугар охтубут буойуннарга анаан оӈоһуллубут кинигэни оскуолаҕа бэлэхтээтэ.
Күрэхтэһиигэ 2-с Күүлэт орто оскуолатын историяҕа учуутала Гаврил Николаевич Николаев кылаабынай судьуйалаата, 2-с Күүлэт орто оскуолатын музыка уонна ОБЗР учуутала Айастаан Романович Фёдоров, Үгүлээт дьаһалтатын спорка исписэлииһэ Надежда Ивановна Спиридонова, 1 Күүлэттэн Маргарита Степановна Константинова судьуйалаатылар.
Күрэхтэһии бастыҥнарынан буоллулар:Маны таһынан Василий табаарыһа Донской Александр Иннокентьевич аатыттан 3000 солк. уонна «Көхтөөх кыттыытын иһин» диэн анал бириис 1 Күүлэт орто оскуолатын үөрэнээччитигэр Тутукаров Яҥҥа, «Кыайыыга дьулуурун иһин» диэн анал аат Үгүлээт орто оскуолатын оҕолоругар Долгунов Валераҕа уонна Кузнецова Розаҕа туттарылыннылар. 2-с Күүлэт орто оскуолатын технологияҕа учуутала Тутукарова Мария Алексеевна анал бириистэрэ кэлии кыргыттарга туттарылыннылар. Василий 2-с Күүлэккэ алтыспыт доҕотторуттан 13.000 солк. уу харчынан анал бириистэрин 2-с Күүлэт орто оскуолатын 10 кылаас үөрэнээччитигэр «Хабылык», «Хаамыска» остуол оонньуутугар успуорт маастарыгар Типанов Айталга анаатылар.
Күрэхтэһии уопсай түмүгүнэн:
1 миэстэ 2-с Күүлэт 1-кы хамаандата буолла уонна Василий дьиэ кэргэниттэн 24.000 солк. уу харчынан, Үгүлээт дьаһалтатын аатыттан «Модун» маҕаһыын сертификатынан наҕараадаланна;
2 миэстэ 2-с Күүлэт 2-с хамаандата буолла, 16.000 солк. наҕараадаланна;
3 миэстэ Үгүлээт 2-с хамаандата буолла. Кинилэргэ КИЗО аатыттан 12.000 солк спонсорскай бириис туттарылынна.
Бу улахан суолталаах тэрээһиҥҥэ күүс-көмө, өйөбүл буолбут тэрилтэлэргэ, кыттыбыт Күүлэт түбэтин хамаандаларыгар махталбытын тиэрдэбит. Бу тэрээһин анал байыаннай дьайыы туһунан өссө дириҥ өйдөбүлү хааллардын, кэлэр кэнчээри ыччакка патриотическай иитии биир хардыыта буоллун.
Христина Иванова, Надежда Васильева, 2 Күүлэт.