Муус устар 18 күнүгэр 2 Күүлэт нэһилиэгэр оҕолорго аналлаах «Көмүс куолас» ырыа күрэҕэ үс нэһилиэк үөрэнээччилэрэ уонна биһиги уһуйааммыт иитиллээччилэрэ кыттыылаах 9-с төгүлүн ыытылынна.
Уопсайа 35 нүөмэрдээх ырыа кэрэ киэһэтэ олохтоохторго истиҥ иэйиилээх бырааһынньыкка кубулуйда.
Ансаамбылынан элбэх оҕо кэлэн кытынна. Бары анал наҕараадалары, бэлэхтэри тутаннар астыннылар. Күрэххэ кэлбит оҕолор олус бэлэмнэнэн, санааларын ууран, тэринэн, кыраһыабай көстүүмнэрдээх, күүстээх репертуардаах кэлбиттэрин олус биһирээтим. 
Күрэх түмүгүнэн оскуолабыт үөрэнээччитэ Дамир Григорьев Гран-При үрдүк аат хаһаайына буолан чиэстэннэ. 1 Күүлэттэн нарын, кэрэ куоластаах Влада Тутукарова көрөөччү биһирэбилин ылыан ылла.
Спонсордаан көмөлөспүт тэрилтэлэрбитигэр барҕа махтал тылларын аныыбыт. Олохтоох култуура киинэ сыанабытын кэрэтик киэргэтэн, оҕолорго буфет тэрийэн, күрэххэ быһаччы көмөтүн иһин оскуола коллективын аатыттан истиҥ махталбытын тиэрдэбит.
Нэһилиэкпитигэр талааннар тахса турдуннар, оҕолорбут өссө да маннык көрдөрүүлэрэ элбээн истин. Бары доруобай буолуҥ.
Айталина Петрова, «Көмүс куолас» бырайыак салайааччыта.