Г.И. Чиряев аатынан Бүлүүтээҕи 1 нүөмэрдээх оскуолаҕа, Бүлүү улууһун оскуолатын үөрэнээччилэригэр иккис сылын баскетбол күрэҕэ ыытылынна. Бу күрэхтэһии оскуолабыт 2021 сыллааҕы выпускнигар, анал байыаннай дьайыы кыттыылааҕа Дмитрий Винокуров сырдык кэриэһигэр ананар.
Дмитрий оскуолаҕа үөрэнэ сылдьан баскетболунан утумнаахтык дьарыктанар буолан оскуолабыт, улууспут чиэһин өрөспүүбүлүкэҕэ элбэхтик көмүскээбитэ. Кини үгүс күрэхтэһиилэргэ «Бастыҥ оонньооччу» уонна «Бастыҥ нападающай» анал ааттар хаһаайыннара этэ.
Дмитрий 2023 сыл бэс ыйын 4 күнүгэр анал байыаннай дьайыыга кытта сылдьан тэҥэ суох киирсиигэ Запорожскай уобаласка сырдык тыына быстыбыта. Россия Президениттэн «Эр санааланыы» уордьанынан наҕараадаламмыта.
Баскетбол күрэҕэр 7 оскуолаттан тэринэн кэлэн күөн көрүстүлэр. Ол курдук Кыргыдай, Дьөккөн, Бороҕон, Бүлүүтээҕи гимназия, Бүлүү куоратын 1,2,3 нүөмэрдээх орто оскуолалара. Күрэх кылаабынай судьуйатынан Кононов Д. Л. уола, Г.И. Чиряев аатынан оскуола физкультураҕа учуутала үлэлээтэ.
Икки күннээх күрэх түмүгүнэн 1 миэстэни- Бүлүүтээҕи гимназия (сертификат 30 тыһ), 2 м.- Г.И.Чиряев аатынан 1№-дээх оскуола (25 тыһ), 3 м. — Г.С. Донской аатынан 2 №-ээх оскуолатын спортсменнара ыллылар (20 тыһ).
“Бастыҥ оонньоочу” — Михайлова Динара, Кириллин Павел (гимназия), “Бастыҥ нападающай” — Павлова Виолетта, Саввинов Миша (ВСОШ 1), «Бастыҥ защитник” – Гоголева Надежда, Татаринов Алексей (ВСОШ 2), “Инникилээх оонньооччу”- Федорова Ксения (гимназия), Бенецкий Леня (ВСОШ1), Яковлев Максим (ВСОШ1), «Бастыҥ тренер” – Семенов К.К. (гимназия) анал ааты ыллылар.
Бу олус суолталаах күрэх буоларын спортсмен оҕолор бары бэлиэтиилэр, кыайыылаах буолуу улахан чиэс. Билиҥҥи кэм геройа, Дима Винокуров үтүө аатын дьаныардаах үөрэххэ, спортка оҕолор, ыччаттар киэн тутта, холобур оҥосто сылдьыахтара.
Бу улахан күрэҕи оскуола коллектива (дир.Степанова В.С.), кылаас салайааччыта Федорова М.И., тэрийэр хамыыһыйа үрдүк таһымнаахтык тэрийэн ыыттылар.
Бастыҥнары чиэстииргэ, үрдүккэ угуйарга биһиги спонсордарбыт харчынан элбэх көмө оҥордулар. Тэрээһин сүрүн спонсордарыгар уонна партнердарыгар – Дима төрөппүттэригэр, аймахтарыгар, ДЮСШ коллективыгар, директор Осипов Г. Д., Ис дьыала отделыгар (Михайлов Ф.П.), Бүлүү куоратын уонна улууһун спорткомитеттарыгар, Бүлүү уонна Үөһээ-Бүлүү байыаннай комиссариатыгар (Ефремов А. В.), Бүлүү улууһун социальнай уонна эдэр ыччат политикатыгар (Федорова Е.Н.), Бүлүүтээҕи педагогическай-профессиональнай колледжка (дир. Алексеев И.И.), Бүлүү улууһун бойобуой кыргыһыылар ветераннарын Сэбиэтигэр, Бүлүүтээҕи Росгвардия коллективыгар (Константинов А.Н.), Үгүлээт нэһилиэгин дьаһалтатыгар (Лукин О.И.), «Табун» атыы-эргиэн киинигэр (Иванов И. И.), ИП Майорова В.Д., СХПК «Сыа Бүлүү» (Кондратьев А.А.), оскуолабыт төрөппүттэрин кэмитиэтигэр, 11 «а», «б» 2021с. выпуск кылаас төрөпүттэригэр, үөрэнээччилэригэр, Н. В., А. С. Поповтар дьиэ кэргэттэригэр, Дима тренеригэр Д. Д.Гоголевка, 1 № -дээх оскуола коллективыгар (дир. Степанова В.С.), «Эгэлгэ» маҕаһыын (ИП Николаев Ф.Н.), “Дарина» ювелирнай маҕаһыын (Матвеева Е.С.), Бүлүү улууһун “Движение первых”тэрилтэтигэр, “Илгэ” ПО (Алексеева О.Л.), “УПС” тутуу хампаанньатыгар (Буслаев А.И.), ИП А.А. Сутуриҥҥа, Бүлүү куоратын баскетболга хамаандатын чилиэннэригэр, ИП А.А. Михайловка, «Светофор» супермаркетка улахан махтал.
Акулина Протопопова, 11 кылаас үөрэнээччитэ, “Ориентир” медиа-киин эдэр кэрэспэдьиэнэ, Г.И. Чиряев аатынан Бүлүү 1 –дээх орто оскуолата.
Фотографтар Захар Ботусов, Вася Артемьев.