Үтүө үгэс салҕанар. Биһиги Кэт марсден аатынан Бүлүүтээҕи интэринээт-дьиэ олохтоохторугар Улуу күнүгэр үҥкүүнэн эҕэпдбитин тирэрдэбит.
Ыам ыйын 8 күнүгэр улуустааҕы бэтэрээннэр онус спартакиадаларын бальнай үҥкүүлэрин кыайыылаахтара уонна “Бүлүү Харысхал” хамсааһын волонтердара Кэт Марсден аатынан Бүлүүтээҕи интэринээт-дьиэ олохтоохторугар уонна үлэһиттэригэр ыалдьыттаатылар.
Быйыл 20 сылын бэлиэтиир “Дьол вальса” күрэхпит кыайыылаахтара бу күн бэйэлэрин билиһиннэрдилэр. С. Е. Зинурова салайар “АйЛаана” бальнай үҥкүү бөлөҕө тэриллэн өрөспүүбүлүкэҕэ ыытыллар “Вальс Победы” фестиваль-күрэххэ кыттан ситиһиилэнэн, бастакы мэтээллэри иилинэн кэлбиппит 15 сылын бэлиэтиир тэрээһиннэрбит буола тураллар. 2011сыллаахха кэрэ сирдиир кэрэҕэ, кэрэ айар кэрэни санаанан салайтаран, “Кырдьыбат вальс” бырайыак тэриммиппит. СӨ доруобуйа харыстабылын үтүөлээх бырааһа, бу интернат-дьиэ ол кэмнээҕи салайааччыта Роза Алексеевна Алексеева бырайыакпытын өйөөн ыҥыран ылан, кырдьаҕастар күннэрин киэргэтэн үнкүүлэппитэ билигин үтүө үгэскэ кубулуйан, Кыайыы күнүгэр, ыһыахтарыгар эмиэ эҕэрдэлии, ханнык саҥа үҥкүүнү сатаабыппытын билиһиннэрэ, кэтэһиилээх ыалдьыт буолан үөрэ-көтө тиийэбит.
Гаврил Гаврильевич Иванов Чинэкэ олохтооҕо, анал байыаннай дьайыы байыаһын эһэтэ, бэтэрээннэр спартакиадаларын бальнай үҥкүүгэ үс төгүллээх чемпиона, “АйЛаана” бальнай үҥкүү бөлөҕөр иккис сылын дьарыктанан, өрөспүүбүлүкэҕэ ыытыллар “Вальс Победы” кыайыылааҕа, спартакиадаҕа остуол оонньууларын (хабылык, хаамыска федерациятын) салайан ыытааччы, харах уулаах Улуу Кыайыы 81 сылыгар ким да умнуллубатын, туох да умнуллубатын мэктиэлээн “Туруйалар” диэн ырыанан көрсүһүүнү арыйда.
Августина Гаврильевна Семенова анал байыаннай дьайыы саҕаланыаҕыттан эйэлээх олох туһугар туруулаһа сылдьар уолугар тапталын, амаҕаччылыыр алгыһын анаан “Эдэркээн саастары” санатар ырыаны ыллаата. Кини Бороҕон олохтооҕо, чуор куоластаах Т.П.Боронова аатынан өрөспүүбүлүкэ таһымыгар тиийэ ыытыллыбыт “Ырыа-дууһам иэйиитэ” баян доҕуһуолунан ылланар ырыа хас да төгүллээх лауреата. Ырыаҕа доҕуһуоллатан, “Кыайыы вальсын” кыайыылаахтара Гранд Дамалар Раиса Петрова, Розалия Гаврильева, улуус спартакиадатын “Дьол вальсын” Гранд Дама категория кыайыылаахтара Дария Васильева, Надежда Анисимова уонна спартакиада Гранд Сеньор 4 үҥкүүһүтэ Василий Спиридонов, “Дьол вальса” бырайыак автора Тамара Фоминалыын эдэркээн саастар эрчимнэрин үҥкүүнэн дьүһүйэн көрдөрдүлэр.
Өрөспүүбүлүкэтээҕи Танцевальнай спорт федерациятын салайааччыта, судьуйата М.З.Сивцев бырайыагынан “Вальс Победы” күрэхпит биир сүрүн үҥкүүтэ “Синий платочек” эмиэ умнуллубата. “Бүлүү Харысхал” волонтердара Гаврил Иванов уонна Раиса Петрова үҥкүүлээтилэр. Тустеп үҥкүүнү спартакиадабытыгар “Городки” күрэҕин маастара, эппиэтинэстээх судьуйата Василий Спиридонов норуот уус- уран оҥоһугун маастара Раиса Петрованы кытта уонна быйылгы өрөспүүбүлүкэтээҕи бальнай үҥкүү Кыайыы вальсын кыайыылаахтара Надежда Анисимова, Дария Васильева Кыайыыны кынаттаабыт Катюшаны дьүһүйэн дохсун ытыс тыаһынан үнкүүлээтилэр.
Бэтэрээннэр спартакиадаларыгар 20-с сылын бэлиэтээн саҕалаабыт “Дьол вальса” бырайыакпытыгар саҥа киллэриэхтээх көрүҥмүтүн “Эбээ, эһээ уонна сиэннэр” категорияны билиһиннэрэн үрдүк сыанаҕа сүрэхтээтибит. Сиэн кыыс Лиза Архангельская, И.Л.Кондаков аатынан гимназия 8 кылааһын үөрэнээччитэ, “КүнЭко” научнай-чинчийэр экспедиция кыттыылааҕа, “Бүлүү Харысхал” волонтера, “Гимназист года” күрэх кыайыылааҕын, “Талант года 2026” анал аат хаһаайката, саха бастакы профессиональнай композитора М.Н.Жирков аатынан анал стипендия хаһаайката, С.Е.Зинурова аатынан “Бүлүү долгуннара” ансаабыл үнкүүһүтэ, “Өлүөнэ эбэккэм” ырыатын доҕуһуолугар саллаат эбэтэ Тамара Васильевна уонна саллаат эһэтэ Гаврил Гаврильевич вальс үҥкүүнэн күн сирэ күндүтүн дьүһүйэн көрдөрдүлэр.
Улуу Кыайыы 81 сылын көрсө “Бүлүү Харысхал” хамсааһын уоттаах хонууга бэһис сылларын ыраас халлаан туһугар сэриилэһэ сылдьар уолаттарбытыгар барыта 38 тонна 193 кг гуманитарнай көмө баһыылкатын 310 уолга анал аадырыстаан ыыппыт отчуоппутун билиһиннэрдибит. Норуот күүһүнэн 6 980 000 суумалаах үп хомуллан 61 байыаска (дрон Мавик 3, мотоцикл, тепловизор, антидрон уо.д.а) көмөлтө оҥоһуллубутун, нэһилиэктэр бэтэрээннэрин Сэбиэтин уонна тэрилтэлэр профсоюзтарын нөҥүө 904 хаххалыыр сиэккэлэр баайыллан уонна дронтан хаххалыыр илим сиэккэлэрэ хас биирдии анал аадырыстаах уолга хомуллан барбытын чопчулаан иһитиннэрии оҥордубут. Интернат үлэһиттэрэ илиилэрин сылааһынан Кыайыы туһугар “Бүлүү Харысхал” хамсааһын ыытар үлэтигэр кыахтара тиийэринэн көмөлөһөллөрүгэр махтанан, салайааччылар илии баттааһыннаах Махтал сурукпутун: Алексеев Альберт Евгеньевичка, Шестакова Светлана Петровнаҕа, Слепцова Мария Васильевнаҕа, Попова Любовь Петровнаҕа , Бекренев Илья Дмитриевичка, Иванов Егор Васильевичка туттардыбыт. Айылҕа араас өҥүгэр сөп түбэһэр хаххаланар сиэккэлэри — уолаттарбыт сакаастарын тиһигин быспакка баайан көмөлөспүттэрэ сыаналанан, бу күн үтүө үтүөнэн эргиллэр холобура буолла.
Анал байыаннай дьайыы бастакы хомуура саҕаланыаҕыттан (2022 с.) уолаттарбытын көрдөөн булан, баһыылкалары оҥорон, арчылааһын үлэтин саҕалаабыппыт. Тулаайах уолаттарбыт бэйэлэринэн тахсан, сакаас оҥорон бартара. Ордук сиэргэ-туомҥа туттуллар маллары көрдөөннөр соһуппуттара: ситии, салама, хомус, сэргэ чороонноро, харысхаллар, быһах уо.д.а. Бөкчөҥөө нэһилиэгин олохтоохторо Василий Васильевич, Раиса Николаевна Петровтар “Гришуня” позывнойдаах уолга үс дойду ситимин, үс кут силлибэт күүһүн көрдөрөр үс өҥнөөх дэйбиири ыыппыттара унньуктаах уһун түөрт сыл устата уолаттарбытын арчылаабыта бу күн сыаналанан өрөспүүбүлүкэтээҕи оперштаб координационнай киинин “За оказание помощи СВО” мэтээлинэн наҕараадаланнылар.
2014 сыллаахха түөрт Бүлүү бөлөх улуустарын бэтэрээннэрин спартакиадаларыгар бальнай үҥкүүнү киллэртэрэри ситиспит Өрөспүүбүлүкэҕэ ыытыллыбыт “Вальс Победы” фестиваль бастакы хараҥаччыта, “Кырдьыбат вальс” бырайыакпыт эппиэттээх салайааччыта, “Сестра милосердия им.Кэт Марсден” анал бэлиэ хаһаайката, “Бүлүү Харысхал” волонтера Розалия Павловна Гаврильеваҕа улуустааҕы сэрии, тыыл, үлэ бэтэрээннэрин Сэбиэтин бэрэссэдээтэлэ Ф.Ф.Николаев бэтэрээннэр онус спартакиадаларыгар көмөтүн иһин Махтал суруга туттарылынна. “Бүлүү Харысхалга” араас хомуур акцияларга харчынан көмөтүн иһин эмиэ бэлиэтэнэн Махтал сурук тутта.
“Бүлүү Харысхал” аатыттан Сомоҕолоһуу сылыгар кыайыыга кынаттыыр элбэх үлэни тэрийэн ыыппыт К.Марсден аатынан ГБУ РС Я ВСДСОПИ профсоюһун бэрэссэдээтэлэ Изабелла Гаврильевна Сергинаҕа махтанан туран, Кыайыы Генералиссимуһа т. И.В.Сталин мөссүөннээх, кыайыыны кынаттаһар бэлиэ мэтээлинэн наҕараада туттардыбыт.
“…Биллин фашист баһылыга биһиги чаҕаан күүспүтүн
Кыайыы сырдык дьаралыга биһигини кууспутун…” диэн мустубут дьон бука бары өрө көтөҕүллэн туран ыллаан түмүктээтибит.
Кыайыы туһугар сомоҕолоһон маннык тэрээһини кыттыһан ыыппыппытыгар интэринээт-дьиэ социальнай блогун сэбиэдиссэйэ Н.Н.Капитоноваҕа, культорганизаторга Ф.И.Оконешниковка, үлэ инструкторыгар Н.К. Васильевка, педагог-иитээччи Б.В. Мальцевка уонна дириэктоэр Мандаров Алексей Егоровичка махтанабын.
Тамара Фомина-Талбаана Ай, “Дьол вальса” бырайыак автора, улуустааҕы сэрии, үлэ бэтэрээннэрин Сэбиэтин Президиумун чилиэнэ, Бүлүү куорат бэтэрээннэрин Сэбиэтин куратора, “За оказание помощи участникам СВО” 174 №-дээх анал бэлиэ хаһаайката, Ил Дархан А.С. Николаев «Земля Героев» бырайыагын “СВОИ” 0142 № дээх кыһыл көмүс бэлиэтин хаһаайката. “Бүлүү Харысхал” волонтердар хамсааһыннарын үбүн эппиэттээх салайааччыта.